التوثيق بيثبت إنك من أهل المهنة فعلًا. الحساب الموثّق بياخد علامة توثيق زرقاء في كل مكان. التوثيق مش مطلوب عند التسجيل، لكنه مطلوب لنشر حالة تخصص أو التقديم عليها.
المكان: القائمة ← توثيق الحساب (افتح). متاح لحسابات الأطباء والعيادات.
الخطوات الأربعة
- البطاقة الشخصية — الوش.
- البطاقة الشخصية — الضهر.
- كارنيه نقابة أطباء الأسنان — الوش.
- التخصصات والشهادات — شهادة لكل تخصص بتذكره (ماجستير، دكتوراه، زمالة، دبلومة، أو دورة معتمدة) مع الجهة المانحة والسنة.
قبل أول رفع علّم على خانة الموافقة. لكل خطوة صوّر بالكاميرا أو اختار صورة أو PDF من موبايلك (JPG أو PNG أو WEBP أو PDF لحد 8 ميجا — الصور بتتصغّر تلقائيًا قبل الرفع).
الحالات
| الحالة | معناها |
|---|---|
| مطلوب | لسه مترفعش |
| قيد المراجعة | اترفع ومستني فريق المراجعة |
| مقبول | اتراجع واتقبل |
| مرفوض | فيه مشكلة — السبب مكتوب، ارفع تاني |
بيوصلك إشعار بالنتيجة. التخصص اللي ملوش شهادة مقبولة مش بيتحسب، لكن تقدر تتقدم لحالات طب الأسنان العام.
صوّر المستند على خلفية سادة، في إضاءة كويسة ومن غير فلاش، والأركان الأربعة باينة.
مستنداتك بيشوفها فريق التوثيق في DentX بس — ولا تظهر لأي عضو — طبقًا لقانون حماية البيانات الشخصية المصري (151 لسنة 2020). المعامل والموردين بيرفعوا السجل التجاري من صفحة ملفهم.