التقييمات والدليل المهني

إزاي التقييمات بتشتغل

التقييم في DentX دايمًا مربوط بـ تعامل خلص فعلًا: حالة اكتملت، تعيين في وظيفة، طلب اتسلّم، إعلان اتباع أو اتأجّر، أو دورة حضرتها. عشان كده التقييمات حقيقية. الطرفين بيقيّموا بعض (من 1 لـ 5 نجوم وتعليق).

افتح التقييمات تشوف متوسط تقييمك، توزيع النجوم، تقييمات وصلتني وتقييمات كتبتها. التعاملات اللي مستنية تقييمك بتظهر هناك وفي «نشاطي» على الرئيسية.

فيه إساءة؟ استخدم الإبلاغ على التقييم، أو كلّم الدعم الفني.

الدليل المهني

الدليل المهني فيه الأطباء والأخصائيين والعيادات والمعامل والموردين القريبين منك. ابحث بالاسم أو الخدمة وفلتر بنوع العضوية، التخصص الموثّق، المحافظة، الموثّقين فقط أو المتاحين للعمل فقط، والترتيب بالأقرب أو الأعلى تقييمًا.

ملف العضو فيه علامة التوثيق، التخصصات، المسافة، التقييم والتعليقات، ومعاه مراسلة وواتساب وإرسال حالة مباشرة (تبعت حالة للطبيب ده بس).